Уште два земјотреси беа регистрирани денеска во близина на Гостивар.
Првиот со јачина 3.8 беше регистриран околу 12 часот попладне, на 18 километри југозападно од Гостивар, а вториот околу 13 часот и 25 минути, 3.6 степени според Рихтер, исто така со епицентар во гостиварското подрачје, односно на 16 километри југозападно од градот.
Рано утрово, во 04 часот и 54 минути, земјотрес со магнитуда од пет степени беше регистриран во епицентралното подрачје Тетово-Гостивар, на 50 километри југозападно од Скопје.