Комисијата за надворешни работи на американскиот Претставнички дом, одобри нацрт-закон со уште построги санкции кон Иран, кои имаат за цел да го забават развивањето на спорната нуклеарна програма на Исламската република.
Текстот беше усвоен едногласно во комисијата и се очекува лесно да добие одобрение и од целиот Претставнички дом, веројатно во наредните седмици.
Мерката ќе го ограничи извозот на иранска нафта до половина милион барели дневно, како и пристапот на Техеран до странска валута. Се предвидува и зголемување на секторите од иранската економија, вклучени на црниот список0.
САД и други светски сили стравуваат дека Иран збогатува ураниум до нивоа, при кои би можело да биде искористен за нуклеарно оружје. Техеран тврди дека неговата програма е наменета за мирни цели.
ОН, САД и ЕУ веќе применуваат санкции кон Иран поради неговата нуклерна програма.