Диего Марадона имаше успешна операција и неговиот живот е спасен. Легендарниот фудбалер е во стабилна состојба по хируршкиот зафат кој траел речиси два часа. Отстранет е хематомот од мозокот, Марадона се чувствува добро и е во контактибилна состојба.
Операцијата мина во најдобар ред. Хематомот од мозокот е успешно отстранет. Марадона е разбуден и тоа е голем чекор напред во процесот на рехабилитацијата. Во наредните неколку дена ќе остане секако под лекарски надзор, а потоа доколку се биде в ред ќе замине на домашна нега“, изјави неврохирургот Луке кој ја изврши операцијата.
Ќерката Далма се заблагодари за поддршката што ја добија Марадона и семејството во овие тешки мигови.
Сакам да се заблагодарам на сите за големата поддршка и љубовта која му ја давате на мојот татко. Ви благодарам на сите кои се молите за него“, истакна Далма.