Градоначалникот на Охрид Никола Бакрачески престојува во работна посета на Париз, каде ќе го претстави проектот „Охрид Европски град на културата за 2020 година“.
Во Париз Бакрачески престојува на покана на Филмскиот фестивалот на Југо-источна Европа „СЕЕ а Парис“, што се одржува под покровителство на УНЕСКО.
Предвидено е тој во текот на утрешниот ден да се обрати пред пред аудиториумот при што ќе ги претстави културните и духовните вредности на Охрид, како можен кандидат за добивање на престижното признание за Европски град на културата за 2020 година.
На свеченоста обраќања ќе имаат Генералниот директор на УНЕСКО Ирина Бокова, министерот за култура на Црна Гора Бранислав Миќуновиќ и други угледни личности, додека меѓу гостите на настанот се и градоначалникот на Измир и на Великот Трново, бугарскиот град кој е веќе прогласен за Европски град на културата за 2019 година.
На маргините на настанот се предвидени и средби на Бакрачески со официјални претставници на културниот и политичкиот живот на Париз и Република Франција.