Беким Ќоку од Демократската партија на Албанците и Наџи Џелили од Националната Демократска Преродба ќе бидат новите пратениците во Собранието, откако на следната седница ќе им биде верификуван мандатот.
Комисијата за деловнички и мандатно имунитетни прашања денеска го прифати Извештајот на ДИК за прифаќање на остатокот на мандатот од страна на Ќоку и Џелили.
Беким Ќоку во Парламентот доаѓа на местото на Зијадин Села, кој стана градоначалник на Струга, додека претходник на Наџи Џелили беше пратеникот Изет Зеќири, кој беше кандидат на НДП за градоначалник на Тетово.