Снимка од инцидент во градскиот превоз во канадскиот град Ванкувер, на која е забележана расправија поради неносење заштитна маска, која се претвора во физичка пресметка, предизвика внимание ширум светот, откако беше објавена на локалните медиуми.
На снимката се гледа како жената се расправа со човек кој седи во автобусот, а тој ја нарекува „одвратна“ затоа што не носи заштитна маска, која е задолжителна во јавниот превоз во градот.
Жената на ова одговара со плукање кон човекот, а тој, изнервиран од нејзината постапка, станува од местото и ја истуркува од автобусот, по што таа паѓа на асфалтот на постојката.
Полицијата го истражува инцидентот, а и двајцата учесници, доколку се утврди нивниот идентитет, би можеле да бидат обвинети за напад, пишуваат американските медиуми.