Во денешната тешка сообраќајна несреќа што се случи на улицата „Рузвелтова“ околу 16.30 часот, почина 32-годишниот Трајче Нешковски, кој порано беше потпретседател и генерален секретар на СДММ. Тој бил пулмолог, а ја раководеше Ковид-единицата во детската болница „Козле“.
Сообраќајната несреќа се случи попладнево на улицата „Франклин Рузвелт“ – се судрија два автомобила, „Опел“ со струмичка ознака и „Цитроен“ со гостиварска ознака.
Очевидци за „А1он“ изјавија дека до несреќата дошло кога возачот на „Цитроенот“ изгубил контрола врз автомобилот по што удрил во „Опелот“ па во дрвото. Првичните информации од Клиниката за анестезија, реанимација и интензивно лекување се дека Нешковски, по доживеан срцев удар, изгубил контрола над возилото, а залудни биле сите напори за негова реанимација.
Целото раководство на СДСМ, вклучително и премиерот Зоран Заев и голем број лекари вечерва преку социјалните мрежи се збогуваат од својот сопартиец, колега и пријател, кој прерано го загуби животот.