Трите водопади од Габровскиот се достапни за туристите со уредување на пристапната пешачка патека до третиот, информираа од Општина Струмица.
-Јас сум задоволен што овој проект успешно се заврши, а конкретно подразбираше градење патека во должина од 740 метри, продолжување и реконструкција на претходната патека и пробивање на нова до третиот водопад, со што е овозможен безбеден пристап до него. Изградени се и два моста и обновени неколку летниковци, рече градоначалникот Јаневски.
Овој проект се реализираше во изминатите три месеци со средства од Агенцијата за финансиска поддршка во земјоделието и руралниот развој во износ од 6 милиони и 350 илјади денари.