Филмскиот фестивал во Кан се одржува по 66. пат, а отворен е вечерва со појавувањето на славните ѕвезди од светот на филмот на црвениот тепих.
Убавиците како Синди Крафорд, Џулијан Мур, Никол Кидман и уште многу други прошетаа по црвениот тепих облечени во стилот на 1920-тите години во своите прекрасни креации.
Дека елеганцијата може да биде заводлива, покажа Синди Крафорд. Облечена во бела долга тоалета со длабоко деколте, Синди уште еднаш покажа дека изгледа фантастично во 48-та година. Сите камери беа вперени кон неа.
На црвениот тепих претходно се појавија и главните ѕвезди од филмот „Great Gatsby“, кој премиерно ќе се прикаже вечерва во Кан.
