„Бугарија реагираше најбрзо и адекватно на здравствената и економската закана од пандемијата. Нашите мерки започнаа рано и опфатија многу луѓе“, напиша бугарскиот премиер Бојко Борисов на Фејсбук.
“Само според шемата 60/40, зачувани се повеќе од 300.000 работни места. Ние бевме една од првите земји што ја воведоа мерката, а резултатите досега покажуваат дека таа работи совршено”, рече тој.
Паралелно, за најпогодените од кризните сектори како: транспорт и туризам и угостителство ја трансформиравме мерката на 80/20, како резултат на тоа ќе бидат поддржани над 700 компании со вкупно 43,5 милиони лева. Малите и микро компании добија скоро 110 милиони лева, а средните претпријатија ќе добијат ресурс од 200 милиони лева. Ако владините мерки не функционираат, невработеноста ќе беше 14%, а сега е на ниво од 7,5 % “, напиша премиерот.
“Светските експерти се едногласни дека претстојат најтешките времиња за нашите здравствени системи и економии. Ние мора да бидеме разумни и флексибилни во нашите одлуки за да ги минимизираме штетите од кризата. Но, како што покажуваат податоците, ние сме на вистинскиот пат!”, додаде Борисов.