Институтот за јавно здравје на Црна Гора соопшти дека во земјата биле регистрирани 216 новозаразени лица, а високи 25.7 отсто од тестираните биле позитивни.
Најмногу новозаразени има во главниот град Подгорица – 73, додека во другите градови се забележани во Никшиќ -43, Беране -40, Бјело Поље -22, Рожаје -13, Плевља -8, Будва -4, Мојковац и Херцег Нови по три и во градовите Андријевица, Гусиње и Тиват има по еден новозаразен.
Во последните 24 часа во земјата се евидентирани три смртни случаи, а 40 лица закрепнале од болеста.
Вкупниот број на активни случаи во Црна Гора во моментов изнесува 1.451, додека вкупниот број на регистрирани случаи со Ковид-19 досега е 5.875.