Претседателот на Белорусија, Александар Лукашенко изјави дека тој „можеби останал предолго на власт“, но дека засега „тој е единствената личност способна да ја заштити земјата“.
Тој за руските медиуми рече дека нема да ја напушти власта и покрај протестите на опозицијата , но и дека не ја исклучува можноста за предвремени претседателски избори, кои може да се одржат по донесување на уставните реформи.
Лукашенко е на чело на Белорусија од 1994 година, а на последните претседателски избори одржани на девети август, тој прогласи победа.