Италијанскиот Сенат одобри предлог закон со кој се класифицира мигрена и тешка главоболка како болести што предизвикуваат инвалидитет, пишува италијанскиот весник „Манифесто“.
Повеќе од 26 милиони Италијанци страдаат од главоболка, од кои 75 проценти се жени, а осум милиони страдаат од хронична мигрена.
„Оние кои страдаат од мигрена имаат комплициран живот и честопати не им се верува. Земаат лекови против болки, кои немаат долгорочни ефекти, а сето тоа го чини пациентот најмалку 2.600 евра годишно, не сметајќи ги тешките ефекти во личниот и професионалниот живот”, изјави за весникот сенаторката Паола Болдриним која е еден од потписниците на законот.
Со тој закон, мигрената ќе биде призната, на национално ниво, како болест што предизвикува инвалидитет, што е прв чекор за точна дијагноза преку специјализирани центри што се отвораат низ цела Италија.