Мисија на Меѓународниот монетарен фонд денес во Белград ќе започне разговори со српските власти за тековните економски и монетарни движења во државата.
На состанокот се очекува да се зборува за исполнување на буџетот и спроведување на договорените реформи, а во случај оценките да бидат позитивни, постои можност и за почеток на преговори за нов ангажман помеѓу Србија и ММФ.
Планирано е мисијата на ММФ која ја предводи Зузана Мургасова, во Србија да претстојува две недели.
На крајот на последната посета на Белград 20-ти ноември 2012 година, мисијата на ММФ, соопшти дека фискалната консолидација е приоритет на властите во Србија и дека е тешко достижен планираниот буџетски дефицит во 2013 година од 3,3 проценти бруто домашен производ.
Последниот ангажман помеѓу Србија и ММФ е потпишан кон крајот на септември 2011 година, а е замрзнат во почеток на февруари 2012 , бидејќи буџетот за таа година отстапи од договорениот фискален програм.
Елена Георгиевска