Намалување на убиствата во државава бележи Министерството за внатрешни работи во првата половина на 2020 година. Според нивните статистики, во првите седум месец од оваа година, регистрирани се седум случаи за кои сторителите се гонат за сторено убиство, додека минатата година, имало тринаесет случаи. Од убиствата сторени годинава, пет се со познат, а две со непознат сторител.
„Се бележи значително намалување од 46,2 проценти во однос на истиот период минатата година. Пријавени се девет сторители, а минатата година тринаесет сторители. Регистрирани се осум жртви, додека минатата година имаше четиринаесет“, велат од Министерството за внатрешни работи.
Во изминатиот период, полицијата расчисти и две убиства кои се сторени изминатата година. Меѓу нив и убиството кое се случи пред Клиничкиот центар „Мајка Тереза“, каде син во семејна расправија го уби својот 55-годишен татко.