Невреме попладнево се случува во Скопје, откако почнаа обилни дождови проследени со град.
Улиците се буквално побелени од градот кој има големина на орев, а невремето дополнително го отежнува и сообраќајот по улиците.
УХМР претходно најави дека под влијание на циклонска активност времето од утре ќе биде променливо облачно, нестабилно и посвежо со повремени врнежи и грмежи. Локално процесите ќе бидат поинтензивни во форма на невреме, особено утре и задутре, кога се очекува обилен пороен дожд (над 30 литри на метар квадратен), силен ветер, електрични празнења и изолирана појава на град.
Се очекува и намалување на темепратурите од 16 до 28 степени.
Вчера невреме имаше и во Хрватска, а денеска паѓа снег на планините во Италија и во Швајцарија.