Македонија добила 1,5 милиони од САД за борба против коронавирусот, од вкупни 10 милиони долари кои американската администрација ги издвоила за регионов. Помошта за земјава била за лабораториски системи, следење и контрола на движењето на инфекцијата, технички експерти, здравствена комуникација и слично, нагласуваат Стејт департментот и УСАИД во соопштение.
Од почетокот на пандемијата, американската Влада ги поддржала системите за јавно здравје во 120 земји низ целиот свет со повеќе од 1,5 милијарди долари, а речиси 10 милиони долари од таа сума се наменети на Западен Балкан за борба против новиот коронавирус, велат од УСАИД.
Американскиот Стејт департмент соопшти денеска дека американската администрација одвоила вкупно 20,5 милијарди долари во рамките на глобалната борба против пандемијата, вклучително и развој на вакцини и методи на лекување, превенција на болести и помош на странски земји.
Србија доби повеќе од два милиони долари здравствена помош од американските власти, за масовно тестирање на населението за вирусот, воведување нови технички методи за лекување и превенција на болести, подобрување на размената на информации за ризици и подобрување на хигиенските практики кај домаќинствата. САД во изминатите 20 години инвестирале повеќе од милијарда долари помош во Србија, вклучително и 5,4 милиони во здравствената заштита.
Од избувнувањето на пандемијата, САД издвоија 2,2 милиони американски долари за здравствениот систем на Босна и Херцеговина, за подобрување на лабораторискиот систем, следење на болести, здравствена комуникација и други здравствени цели. Во изминатите 20 години, САД и помогнале на БиХ со повеќе од 1,1 милијарди американски долари, од кои 200.000 американски долари се наменети за здравство.
Вашингтон и дал на Црна Гора 300.000 долари за борба против пандемијата, вклучително и мобилизација на дополнителни волонтери на Црвениот крст, зајакнување на навремени и точни информации за Ковид-19 и координација на партнерите вклучени во борбата против вирусот. Претходно САД и помогнаа на Црна Гора со повеќе од 332 милиони американски долари, вклучително и милион американски долари за системот на здравствена заштита.
САД му помогнаа на албанскиот здравствен систем да се бори против Ковид-19 со над два милиона американски долари, вклучително и за лабораториите, контролирајќи го ширењето на инфекцијата, здравствените комуникации и техничка експертиза. Вкупната помош на САД за Албанија надмина 693 милиони долари за 20 години, од кои 5,8 милиони се за здравствена заштита.
САД за регионот на Европа и Евроазија, во кои се вклучени Италија, Грција, Турција, Украина, Русија, Ерменија, Азербејџан, Грузија, Белорусија, Бугарија, Молдавија и Романија, за време на пандемијата за борба болести издвоиле околу 100 милиони американски долари помош.