Во Прилеп во тек се градежните активности за изградба на новиот трговски центар, кој ќе претставува објект од затворен тип со комплетно решена вентилација, климатизација и греење што ќе функционира 12 месеци во годината. Парцелата е со големина од 1.617м2.Вредноста на новиот трговски центар се проценува на околу 7 милиони евра,кој ќе обезбеди нови 250 работни места.
Се предвидува паркинг-простор за околу 150 возила, дуќани, канцеларии, кафетерии и продавници на брендирана стока.
Со овој проект се добиваат нови естетски вредности во самиот центар на градот, а инвеститорот на проектот, „Дравос- Инженеринг“, смета дека за период од три години општина Прилеп од работата на Сити центарот ќе инкасира повеќе од 60 милиони денари. Прилепскиот Сити Центар се очекува да биде пуштен во употреба во јули оваа година, непосредно пред годинешниот „Пивофест“.