Во тетовско Порој пронајдени и одземени оружје и муниција

Од:

Поголемо количество оружје, муниција и друга опрема одзела полицијата при претрес на две куќи во тетовското село Порој во рамки на оперативните активности на СВР Тетово за расветлување на неколку разбојништва извршени во регионот во текот на оваа година, информираше денеска портпаролот на СВР Тетово, Марјан Јосифовски.

– При вчерашниот претрес на куќата на И.А.(20) во Порој што бил реализиран со соодветна судска наредба, полициски службеници во плакар во една од собите пронашле автоматска пушка завиткана во крпа, две рамки со вкупно 38 куршуми калибар 7,62 милиметри, ловечка пушка калибар 12 милиметри , ремен со 11 патрони, 7 куршуми за „Магнум“ 357, метален пендрек, гумена полициска палка, 16 искористени СИМ-картички и оружен лист на име А.А (73). Сето пронајдено со потврда е одземено и фотодокументирано, а Ш.А (41), мајка на И.А, кој за време на претресот не бил во куќата и кој е во бегство и се бара, приведена е во СВР Тетово, рече Јосифовски.

Јосифовски посочи дека вчера бил извршен претрес и во куќата на А.К (28) од истото село при што биле пронајдени пиштол „Шадлер“ со 16 куршуми калибар 7, 62 милиметри, две торби со 6 гранати за рачен ракатен фрлач калибар 40 милиметри, една чаура со таков калибар, двоглед, автоматско оружје од непозната марка и калибар од југословенско производство, гасен пиштол „Екол-туна“ калибар 6,35 милиметри со четири куршуми, еден придушувач, 6 мобилни телефони, фантомка, неколку парчиња облека и обувки.

По целосното расветлување на сите поединости поврзани со овие претреси, најави Јосифовски, против И.А и А.К, кои од порано им се познати на службите на СВР Тетово по нивната вмешаност во криминални активности ќе следуваат соодветни поднесоци.

Би можело да ве интересира

МВР апелира до родителите и јавноста: Препознајте ја опасноста од групата „764“ – заштитете ги децата

(ФОТО) Левица: Полициско насилство врз малолетници во Охрид – Tошковски молчи

А1он

Две верзии за целта на планираниот атентат во Грција: Ирански дисидент или израелски државјанин

Горан Наумовски

Оружјето пристигнува во Киев и покрај несогласувањата меѓу Трамп и Зеленски

(ФОТО) Ја давеше, ја газеше по нозете, ја влечеше по асфалт и ја остави на сред улица – уапсен е син на инспектор во УЈП

А1он

МВР во 2026 сè уште работи со тефтери, Тошковски најавува дигитализација за три до четири месеци