Претседателот на „Достоинство“, Стојанче Ангелов на својот ФБ профил, прашува како не доживуваат во Европа и колку ни се потсмеваат.
Повод за ова е изборот специјалист по орална хирургија да биде државниот секретар во Министерството за одбрана.
„На веб сајтот на МИА (Македонска Информативна Агенција) за денес има најава дека “висока делегација предводена од државниот секретар во Министерството за одбрана, стоматологот Сашо Стефаноски ќе престојува во работна посета на седиштето на НАТО во Брисел“. Внимавајте, напишале “висока делегација“. И за жал, во право се’. Државен секретар во Министерство за одбрана е навистина висока функција. Но кој ја извршува таа функција во Македонија? Специјалист по орална хирургија!!! Нашиот славен 30-годишен забар не запира, денес ќе ја оправа Македонија во седиштето на НАТО. Луѓе, имате ли претстава со какви очи не гледаат во НАТО? Како не доживуваат како народ? Како не доживуваат како држава? Колку само ни се потсмеваат“, напишал Ангелов.