Пред 12 години патрола на АРМ и полицијата кај Вејце наиде на заседа на УЧК, по 4 полиција и 4 армиски волци. И по убивањето, беа масакрирани и од блиску им пукале во глава. 12 години подоцна немаме одговор зошто биле убиени, со оглед дека во тој период беше затишје и немаше никакви воени акции, рече лидерот на Достоинство, Стојанче Ангелов кој положи цвеќе пред споменикот на бранителите од 2001 ва.
-Интересно е што тој ден дежурен во касарната во Тетово бил командант Форина, а денешен министер за одбрана, Талат Џафери. Токму затоа го прашуваме Форина, односно Талат Џафери да каже што знае за оваа заседа и зошто неколку дена подоцна дезертираше од АРМ, праша Ангелов.
Ангелов по вчерашното соопштение на Бедем во кое обвинуваа дека Андреј Жерновски ќе ги уривал спомениците на бранителите, рече дека никогаш нема слушнато никаква изјава на Андреј Жерновски во врска за спомениците на бранителите.
-Тие се здруженија формирани од ВМРО-ДПМНЕ кои се појавуваат кога треба да обработат нешто за нив. Не го запомнив името на здружението, но каде беа кога протестиравме против изборот на Талат Џафери за министер за одбрана и ги прашувам дали ќе ја прифатат иницијативата за референдум да им се забрани на припадници на УЧК да вршат јавна функција, иницијатива која утре ќе ја поднесеме до државната изборна комисија, рече Ангелов.
Предраг Петровиќ