Студентите излегоа на протестен марш во Белград откако српскиот претседател Александар Вучиќ најави дека ќе се затворат студентските домови поради ширење на коронавирусот.
Тој во интервју за „РТС“ најави дека студентите што се од странство или други градови, ќе одат во своите домови.
„Ова не е протест само на студентите туку и на народот, поради одлуките кои се носат. Додека студентите се иселуваат од домовите, угостителските објекти работат“, велат демонстрантите.
Инаку, директорката на Заводот за здравствена заштита на студентите во Белград, Марија Обрадовиќ изјави дека според нејзините информации, засега 210 студенти се позитивни на коронавирусот. Според неа, четвртина од заразените се од студентските домови.