Прва одлука на градоначалникот на Центар, Андреј Жерновски, е мораториум на сите активности поврзани со реализацијата на проектот „Скопје 2014“.
Со ова Жерновски донесе одлука дека сите формално правни активности за проектот „Скопје 2014“, околу разните видови согласности, околу нивната усогласеност со постојаната регулатива, како и финансиските исплати поврзани со веќе реализираното за проектот но и она што е договорено да се реализира во моментов тој го стопира.
Жерновски денеска го доби уверението дека е избран за градоначалник на општина Центар, по три круга на гласање и прегласување во општината.
Жерновски најави дека инспекциските служби веднаш ќе испитаат што се случува, чија е надлежноста и кој ја дал наредбата за уништување на зеленилото во Центар и узурпирањето на паркинг просторот спроти стариот цветен пазар.
На барање на новинарите, и Жерновски и претседателот на Советот Шиповиќ, ветија олеснување во паркирањето на возилата на медиумите, за да можат нормално да ја извршуваат работата, со што ќе се придонесе за поголема транспарентност на општина Центар.
Катерина Цаневска Арсовска