Во општините Центар, Ѓорче Петров и Струга, на веќе познатите избирачки места денеска ќе има прегласување за градоначалник, додека во Долнени, пак, се одржува вториот круг од локалните избори.
Гласањето утре ќе почне во 7 часот и ќе трае до 19 часот.
Вториот круг од петтите локални избори ќе се повтори на 29 избирачки места во Центар, во девет во Струга и во едно во скопската општина Ѓорче Петров.
Втор круг од локалните избори ќе има во општина Долнени на 39 избирачки места.
Вкупниот број гласачи на избирачките места во Центар, според избирачкиот список, изнесува 22.939. Во деветте избирачки места во Струга треба да гласаат 7.885 граѓани, додека во Ѓорче Петров запишани во избирачкиот список се 1.320 граѓани со право на глас.
Во Долнени, каде ќе се одржи втор круг од гласањето на локалните избори, во избирачкиот список се запишани 10.521 избирач.