Француската компанија Рено објави официјални фотографии од освежениот модел Лагуна.
Станува збор за седан и караван моделите, кај кои впечатлив е новиот изглед на предниот дел со вградени ЛЕД дневни светла.
Внатрешноста на Лагуна нема посериозни промени, но сега вклучува Р-Линк информативно-забавен систем со екран од седум инчи осетлив на допир. Луксузната верзија има 17-инчни тркала.
Понудата на мотори останува иста, но некои агрегати сега ќе бидат достапни со новиот ЕДВ менувач со двојна спојка.
Новата Лагуна со 1,5 литарски дЦи мотор од 110 коњски сили, за 100 километри во просек троши 4,3 литри гориво, а емисијата на штетни гасови изнесува 113 грама на километар.
Лагуна ќе биде достапна и со 4Контрол шасија, систем што овозможува управување на сите четири тркала, а резултат на тоа е динаминчно и прецизно управување и подобро маневрирање.