Од десната страна на популарната „коцка“, на влезот од ТЦ „Лептокарија“, во населбата Карпош 3, ќе биде поставено ново хортикултурно катче со систем за наводнување, како и клупи за седење, реквизити и подлога, информираат од Општина Карпош.
„Овој зелен корнер е лоциран во централниот дел на „Лептокарија“, каде што фреквенцијата на граѓани е поголема, а местото претставува омилен дел за рекреација на жителите од најблиските згради и живеалишта. Со уредувањето на просторот, карпошани ќе добијат ново катче за маалска дружба и рекреација“, велат од Општината.
Општина Карпош продолжува со постојаното раззеленување на јавниот простор, а добро е што нашата заложба за чист и зелен Карпош е препознаена и од приватниот сектор, од општествено одговорни компании кои се придружуваат на иницијативата, се додава во соопштението.