Белорускиот претседател Александар Лукашенко со декрет го разреши од должноста министерoт за енергетика Александар Озерец, соопшти денеска претседателската прес-служба.
Разрешени се исто така и првиот заменик министер за енергетика Едуард Товпенец и генералниот директор на енергетската компанија „Беленерго“ Алексеј Ширма, се наведува во соопштението.
Минатиот вторник Лукашенко остро ги критикуваше активностите на вработените во белорускиот енергетски сектор, изјавувајќи дека Министерството за енергетика создало држава во држава со елементи на мафија и банда.