Домашните компании „Ренова“ и „Електрометал“ од Тетово реализираат инвестиција вредна 40 милиони евра во Тетово, која ќе отвори нови стотици вработувања.
Станува збор за повеќенаменски комплекс кој содржи неколку станбени објекти, трговски центар од 12.000 метри квадратни, луксузен хотел со 5 ѕвезди на 12 ката, панорамски ресторан на најгорниот кат од хотелот и 400 паркинг места, на вкупна изградена површина од 60 000 метри квадратни.
Официјалното отварање е предвидено во октомври годинава.
Инвеститорите најавуваат дека ќе бидат присутни повеќе интернационални и домашни брендови.
