Радмила Шеќеринска говорејќи пред новиот рингишпил во Скопје рече дека зад нив се 10 милиони денари, пари на граѓаните фрлени во ветер, пред нас, рече, во недела се околу милион и пол милиони денари кои ќе се фрлат во ветер само за по трет пат да се тестира волјата на граѓаните во Центар.
„Власта не сака да го прифати поразот во централната општина, која многу им значи поради овој погубен проект. Ако очекуваат дека граѓаните на Центар ќе ги фатат на кондиција, гадно се излажале.
– Ги повикувам граѓаните во недела да излезат уште помасовно за да и покажат на власта дека овој маратон ќе го добијат жителите на Центар. Да ги казниме за оваа лудост и за сите други погрешни политики со кои го затруја нашиот град“, рече Шеќеринска.