Во дизајнерското студио на „Ауди“ дојде до неколку значајни персонални промени, што може да претставува добра вест за сите оние на кои „Ауди“ почна да им досадува со моделите со ист изглед, а различни величини.
Шефот за дизајн на германскиот производител, Волфганг Егер, изјави дека покрај промената во раководството на студиото во Инголштат, компанијата ангажирала и нови дизајнери од „Сеат“, „Алфа Ромео“ и други производители на автомобили.
Меѓу останатото, шеф на одделението на „Ауди Моторспорт“ стана Дирк ван Браецкел, кој претходно бил главен дизајнер на „Бентли“.
Иницијативата за преиспитување на досадашната стратегија за дизајнот на „Ауди“ ја покренаа Егер и Волфганг Дурхејмер, кој од септември 2012 година се наоѓа на чело на одделението за развој.
Волфганг Егер на неодамна оддржаниот авто-салон во Њујорк на новинарите им кажа дека периодот во кој дизајрнираните модели на „Ауди“ наликуваа еден на друг веќе е завршен.