Министерот за здравство Венко Филипче на својот Фејсбук профил објави дека заклучно со денеска во 12 градови каде имаше заболени, веќе нема активни случаи на КОВИД-19.
Тој апелира граѓаните да ги почитуваат мерките и да се задржи овој тренд.
– Во следниот период очекуваме стабилна и мирна состојба во однос на епидемијата. Бидејќи капацитетите за тестирање се растеретени, од утре почнуваме со масовен скриниг – започнуваме со вработените во детските градинки, пишува Филипче.