Иран е подготвен за целосна размена на затвореници со Соединетите Американски Држави, изјави портпаролот на иранската Влада Али Рабеи, додавајќи дека Вашингтон се уште не одговорил на повикот на Техеран за размена.
Тој рече дека Техеран е загрижен и смета дека САД се одговорни за безбедноста и здравјето на Иранците во американските затвори за време на пандемијата на коронавирусот.
„Ние сме подготвени да размениме затвореници со САД и да разговараме за ова прашање, но Вашингтон сè уште не одговорил на нашиот повик“, рече Рабеи.
Иран и САД веќе разменија затвореници во 2019 година, кога Иран го ослободи американскиот студент Сијуе Ванг, кој беше осуден на три години затвор за шпионажа, а САД го ослободија иранскиот истражувач за матични клетки Масуд Солејмани, кој беше обвинет за кршење на санкциите. п