Илјадници луѓе на велосипеди протестираа синоќа во Љубљана и други словенечки градови против коалициската влада на десниот центар на премиерот Јанез Јанша.
Ова е трет ваков протест во Словенија, што се одржува под слоганот „Нема да ја одземеш нашата слобода“, организиран од разни иницијативи.
Со свирчиња и извикувајќи „Крадци“, демонстрантите минаа низ централните улици на Љубљана. Повеќето од нив носеа маски на лицето во согласност со мерките против ширењето на коронавирусот.
Демонстрантите проценуваат дека мерките на Владата за време на епидемијата биле прекумерни и дека прикрила корумпирани и недемократски постапки што Владата ги преземала на самиот почеток на мандатот, оправдувајќи ги со самата епидемија.