Според министерката за труд, Муриел Пенико, 787. 000 претпријатијата ја искористиле можноста која ги пружаат законските одредби, донесени поради епидемијата со новиот коронавирус, да пратат 9,6 милиони вработени од приватниот сектор на „парцијална невработеност“.
„Сега има 9,6 вработени од приватниот сектор, кои се заштитени“, изјави Пенико за француското радио РТЛ.
Станува збор за речиси половина од вработените во приватниот сектор. Инаку, 785. 000 претпријатија побараа пристап до овие мерки поради забавувањето на економските активности во земјата, посебно во секторот на трговијата, сместувањето и рестораните, но исто така и во механичарските автомобилски работилници и градежништвото.
Некои од вработените продолжуваат со професионалноста активност со целосно работно време и работат на оддалеченост.
Според министерката за труд, кога ќе бидат укинати мерките за ограничување ќе треба да се „миксира“ работата на работното место и од дома. Со цел да се дозволи ротација на екипите и почитување на социјалнатафизичка дистанца. Таа, исто така, посочи дека се подготвуваат водичи за претпријатијата за излез од кризата, посебно за почитување на мерките за физичка дистанца и заштита на вработените.