САД се приближуваат до бројот – половина милион заразени со коронавирусот.
Според референтните податоци од страницата на универзитетот „Џонс Хопкинс“ во Вашингтон, во САД има 455.445 случаи на Ковид-19 потврдени од 23 јануари, и 16.111 починати.
Во САД вчера беа регистрирани 20.518 нови случаи, и 1.326 смртни случаи само во текот на денот. Досега целосно закрепнале 24.562, 414. 769 се активни случаи, од кои 9. 813 се во критична состојба.
Жариштето на епидемијата на САД е во државата и градот Њујорк, од каде Си-Ен-Ен известува дека речиси 20 проценти од полицајците во Њујорк се вон служба заради вирусот, како и 6.022 од тестираните 25.000 вработени во метрото во Њујорк се во карантин, а тестирани се 1.571 позитивни на коронавирусот.
Со одлука на властите во 14 држави заврши оваа учебна година, а за истото се дискутира во Калифорнија, Ајдахо и Јужна Дакота.