Собранието на Република Македонија денеска ќе ја одржи 58. седница на чиј дневен ред се предлог-законите за изменување на Законот за санација и реконструирање на дел од банките во Република Македонија и за дополнување на Законот за денационализација, и двата во второ читање.
Ќе се расправа и за предлог-законите за регулирање на дел од долгот кон Обединетата банка на Швајцарија, за изменување и дополнување на Кривичниот законик, за катастар на недвижности, и за изменување и дополнување на Законот за пожарникарството, сите во второ читање.
На седницата ќе бидат разгледани и повеќе предлог закони за ратификација на конвенции и договори, како и предлог-законите за изменување и дополнување на Законот за просторно и урбанистичко планирање, на Законот за домување, и на Законот за царински мерки за заштита на права од интелектуална сопственост, сите во второ читање и повеќе закони во прво читање.