Еден од двајцата починати во Куманово е припадник на граничната полиција

Од:

Еден од двајцата починати заболени од Ковид-19 во Куманово, за кои вечерва извести градоначалникот на Куманово Максим Димитриевски, е припадник на граничната полиција, потврдија за „А1он“ од кумановската полиција.

Ова е прв припадник на полицијата во земјава кој почина како последица на Ковид-19.

Според нашите извори, станува збор за 52-годишен кумановец кој бил ангажиран на граничниот премин Белановце, а во последниве две недели користел боледување.

Резултатот дека е позитивен на коронавирусот му пристигнал вчера – истиот ден кога починала и неговата мајка, за која е непознато дали била заразена од вирусот.

Другото лице од Куманово кое починало како последица на коронавирусот, според нашите извори, е свекорот на трудницата која беше примена на Клиниката за гинекологија во Скопје на 30 март и беше позитивна на Ковид-19. Таа се породи предвреме, а резултатите на нејзиното бебе кое беше тестирано за Ковид-19 беа негативни.

За двата нови смртни случаи од Ковид-19 се очекуваат повеќе детали во текот на утрешниот ден. Според последните податоци, во земјава има 570 заразени лица и сега веќе 23 смртни случаи.

Во Куманово потврдени се 121 случај на коронавирус и оваа општина сега претставува една од најкритичните точки во земјава поради што во текот на целиот викенд беше воведен полициски час.

Би можело да ве интересира

Приведено 87-годишно лице кое возеше во спротивна насока на булеварот Партизански одреди

МВР апелира до родителите и јавноста: Препознајте ја опасноста од групата „764“ – заштитете ги децата

(ФОТО) Левица: Полициско насилство врз малолетници во Охрид – Tошковски молчи

А1он

Две верзии за целта на планираниот атентат во Грција: Ирански дисидент или израелски државјанин

Горан Наумовски

(ФОТО) Ја давеше, ја газеше по нозете, ја влечеше по асфалт и ја остави на сред улица – уапсен е син на инспектор во УЈП

А1он

МВР во 2026 сè уште работи со тефтери, Тошковски најавува дигитализација за три до четири месеци