Шекеринска: Секогаш ќе стоиме зад универзалните вредности

Од:

Денес граѓаните на Северна Македонија ќе им се придружат на над милијарда луѓе кои стојат заедно за светскиот мир и просперитет и нема зборови за да го искажеме нашето чувство за достигнување и радост, истакнува министерката за одбрана Радмила Шекеринска во нејзиното обраќање, кое беше прочитано на кревањето на државното знаме на Република Северна Македонија во командата на НАТО за трансформации во Норфолк во САД.

– Ова историско достигнување е резултат на тешки одлуки и години посветеност и реформи кои би биле невозможни без целосната поддршка од нашите граѓани. Ви благодарам на сите вас кои ја поддржавте Северна Македонија во овој процес и не дозволивте да ја изгубиме вербата до конечниот исход, истакна Шекеринска во поздравното обраќање.

Шекеринска, како што соопштија од Министерството за одбрана, рече дека оваа генерација се избори да ја постави нашата земја на картата на демократските и напредни земји и дека битката за зачленувањето во Алијансата, која започна пред 27 години, ги обедини сите граѓани.

Министерката во поздравното обраќање увери дека секогаш ќе стои зад универзалните вредности заедно со Република Северна Македонија.

Би можело да ве интересира

НАТО сака Украина да биде напредна суверена држава откако ќе се постигне мир

Мицкоски: Значително ја подобривме интероперабилноста на нашите вооружени сили со оние на другите сојузници

Министерот Муцунски на министерски состанок на НАТО во Брисел

А1он

Муцунски од Брисел: Мора повеќе да инвестираме во безбедноста

Рубио: САД бараат пет проценти одбранбени трошоци од сите членки на НАТО

Шефот на НАТО ги откри американските планови