Кандидатот за градоначалник за Град Скопје од ВМРО-ДПМНЕ и коалицијата „За подобра Македонија“ Коце Трајановски денеска изрази надеж дека и во вториот круг од локалните избори жителите на главниот град ќе ги препознаат делата и оти ќе го дадат гласот за оние што создаваат и што градат.
Трајановски им се заблагодари на жителите на Скопје за, како што рече, големиот број гласови што ми ги дадоа во првиот круг или 136 илјади гласа.
– Практично тоа е потврда за се она што е сработено во изминативе четири години, а воедно и верување дека она што е ветено во предизборната програма ќе биде остварено, рече Трајановски откако гласаше во просториите на урбаната заедница Автокоманда.