Најголемиот авион на Ер Србија, ербас А330 со медицинска опрема и експерти од Кина кои ќе помагаат во справување со коронавирусот слета вечерва во Белград. Српската делегацијата со аплаузи ги дочека кинеските лекари и помошта што кинескиот претседател ја прати за Србија.
-Од вечерва ќе слушаме и ќе правиме се што ќе ни кажат овие лекари, тоа е од почит кон оние кои покажаа дека можат да го победат најголемиот непријател на денешницата, а тоа е коронавирусот. Големо благодарам за претседателот Си Џипинг, до народот на Кина. Србија ова не смее да го заборави, рече Вучиќ.
Амбасадорката на Кина во Србија, Чен Бо кажа дека лекарите се повлечени од првата линија на фронтот против коронавирусот.
-Ние сме челични пријатели, делимо добро и лошо. Од почетокот на борбата против коронавирусот добивме помош од Србија. Сега кога Србија се соочува со ширење на вирусот и ние сме подоготвени да дадеме помош. Денеска стигна првиот дел од помошта, и ќе се бориме до победа, рече амбасадорката.
Хвала кинеским и српским пријатељима на њиховом даноноћном раду и уложеним напорима. ???Tим медицинских стручњака, медицински материјал и опрема су кренули из Кине. pic.twitter.com/XPDHM4vjPQ
— Chen Bo (@AmbChenBo) March 21, 2020
Уште еден српски авион простигна во Шангај и од таму ќе тргне со втора пратка кон Србија. Апелот на Вучиќ за помош наиде на голема гледаност во Кина, односно го видеа 500 милиони луѓе кои во коментари порачуваа да се испрати секаква помош што е потребно за Србија.
Вучиќ вечерва кажа дека без разлика дали некој ќе се налути, сепак Кина е најголем пријател на Србија со оглед дека само таа реагира и дава помош кога е најтешко.