Со носењето на мерките од Владата за затворање на угостителските објекти во 18 часот, забавите и дружењето се премести на Водно. 40 возила со по неколку лица во нив, вечерта ја минуваат на паркингот пред жичарата, како и по патот кон Водно.
Присутните слушаат музика, а дружењето на некои од нив е пропратено и со пијалоци, како што тоа се правеше пред 20 години. Дел од нив велат дека ситуацијата со коронавирусот не ги плаши, како и дека внимаваат.
Министерот за здравство, Венко Филипче, во неколку наврати повторува дека мерките не се носат за луѓето да се групираат надвор и по кафеани, туку треба целосно да се почитува забраната, која настапи поради коронавирусот.
