Гувернерката на Народна банка: Банкарскиот систем е отпорен на потенцијалните шокови од коронавирусот

Од:

Гувернерката на Народната банка, Анита Ангеловска-Бежоска во вчерашното гостување на една од националните телевизии рече дека билансите на банкарскиот систем укажуваат на здрави основи.

„Во 2008 година, кога глобалната економија се соочи со криза, адекватноста на капиталот на нашите банки беше пониска отколку сега – тогаш изнесуваше околу 16%, а сега е 17% што претставува простор за справување со евентуални шокови. Ликвидноста, исто така, сега е повисока отколку во преткризниот период во 2008 година, а многу е важно што и профитабилноста на банкарскиот систем е на солидно ниво, бидејќи ако има потреба за докапитализација заради поддршка на кредитната активност, банките имаат интерен потенцијал да ја обезбедат“, истакна гувернерката.

Ангеловска-Бежоска посочи и дека, квалитетот на активата на банкарскиот систем е многу подобар отколку во периодот пред последната глобална економска криза, што јасно се согледува преку пониското учество на нефункционалните во вкупните кредити бидејќи движењето изнесува околу 4,8% со што на регионално ниво, во споредба со другите економии, е и едно од најниските учества на нефункционалните во вкупните кредити.

Сето ова, како што кажа гувернерката, претставува илустративен показател дека банкарскиот систем на нашата земја е отпорен на потенцијалните шокови, меѓу коишто се и можните ефекти врз економијата од ширењето на вирусот ковид-19 на глобално ниво, додаде гувернерката. 

Би можело да ве интересира

Митреска: Администрацијата на „Алта банка“ да ги заштити штедачите и да им овозможи пристап до парите

Горан Наумовски

Народна банка: Денеска реализирани 750 исплати во „АЛТА банка“ во Битола, Струмица и Тетово

А1он

НБРМ: Отворени шалтерите на „АЛТА банка“ АД Битола во Битола, Тетово и Струмица – исплатата на средствата се одвива непречено

Горан Наумовски

Славески: Најдобрата опција е ова што го правиме – заштита на имотот и штедните влогови на граѓаните и продажба на „Алта банка“ АД Битола

А1он

Народна банка: Oд следната недела лимитoт за подигање готовина и плаќања се зголемува од 10.000 на 15.000 денари

А1он

Народна банка: Денеска „АЛТА банка“ АД Битола им изврши исплата на 556 пензионери