Министерот за внатрешни работи, Наќе Чулев оствари средба со дополнителната заменик министерка во Министерството за информатичко општество и администрација, Невенка Стаменковска-Стојковски, на која е разговарано за спроведување и имплементација на кампањата „Фер избори, пријави притисок”.
Чулев истакна дека ќе се заложи за доследно спроведување на кампањата во целост во рамки на МВР.
„Заеднички беше констатирано дека притисокот врз вработените од сите сектори не е дозволив и дека оваа појава ќе биде санкционирана во согласност на законските прописи“, се наведува во соопштението.
Дополнителниот заменик министер, Стаменковска-Стојковски потенцираше дека МИОА, како што се посочува, интензивно презема активности за информирање и едукација, а ќе постапува и по сите пријави од страна на вработените во јавниот сектор.
