Претседателот на Општинската организација на ДОМ Велес Стевче Дечев денеска најави дека во вториот круг од локалните избори ќе го поддржат Славчо Чадиев, кандидатот за градоначалник на Велес од ВМРО-ДПМНЕ и коалицијата „За подобра Македонија“.
– Со заокружување на бројот 19 во недела ќе се потврди победата на новиот градоначалник, а со тоа ќе се реализира и цврстата заложба за зелената политика во Велес, градот на еколошката и зелена револуција, рече Дечев.
Тоа, додаде, ќе значи дека се избираат дела, дислокација на Топилницата, нови спортски можности за младите, инвестиција во обновливите извори на енергија.