Кандидатот за градоначалник на општина Бутел од коалицијата „Сојуз за иднината“ предводена од СДСМ, Коста Начевски побара од граѓаните в недела да гласаат според нивното убедување и волја.
– Ја барам вашата поддршка и доверба, зашто Бутел заслужува иднина. Не дозволувајте нашата иднина и иднината на нашите деца да ни ја крадат фантомските гласачи. В недела излезете масовно и гласајте за проекти и за исполнителност, порача Начевски.
Тој ги повиика граѓаните да не дозволуваат да ги уценуваат и да им се закануваат.
Заедно со Начевски денеска во општина Бутел беше и пратеничката Радмила Шекеринска од СДСМ која побара од граѓаните в недела да го поддржат нивниот кандидат.