Вкупно 13 години затвор за четирите лица кои украдоа бомби од воените магацини кај Новакова чешма, е пресудата на Кривичниот судски совет чиј претседател е судијата Сашко Георгиев денеска по завршните зборoви на одбраната и обвинителство ја донесе пресудата за четирите лица кои ја извршија оваа тешка кражба, а потоа бомбите ги однеле во нивните домови.
М.Е. (24) е прогласен за виновен поради сторени две кривични дела, „кражба“ и „недозволено изработување и држање оружје“, а единствената казна затвор за него е 5 години. Истата затворска казна за сторени две кривични дела му е изречена и на И.С. (32).
Останатите двајца Д.С. и Д.Т. кои учествуваа во кражбата на бомби се осудени на казна затвор од 1,6 години.
Пред Основниот суд денеска беа собрани семејствата на обвинетите. Пресудата се уште не е правосилна. Одбраната има право на жалба до Апелацискиот суд во Штип.