Кандидатот за градоначалник на општина Центар од ВМРО-ДПМНЕ и коалицијата „За подобра Македонија“ Владимир Тодоровиќ денеска ги отфрли тврдењата на неговиот противкандидат Андреј Жерновски оти компанијата „Тинекс“ нечесно заработува или пак заработува со помош на власта.
– Илјадници луѓе ме познаваат, знаат како е моето работење и кој е мојот успех. Не знам зошто тој мора да лаже. Повторувам дека немам инвестиции надвор од Македонинија, изјави Тодоровиќ по доделувањето решенија за легализација на диво изградени објекти во Маџир маало.
Тој, како што нагласи, се обидува да ја замајува јавноста и му порачувам ако најде еден позначаен финансиски договор на „Тинекс“ со било која институција, да и го покаже на јавноста, да каже каде е таму добивката, а јас ќе се откажам од кандидатурата.