Филипче: ВМРО-ДПМНЕ да се извини за обвинувањата за имоти што не ги поседувам

Од:

Министерот за здравство Венко Филипче реагира на обвинувањата на ВМРО-ДПМНЕ дека семејството на неговата сопруга, заедно со сопственикот на „Синерџи“ Горан Филипов се сопственици на земјиште од над 13 илјади квадратни метри на Водно.

„ВМРО-ДПМНЕ продолжува со клеветите и инсинуациите за мене и за семејството на мојата сопруга. Повторно барам да се извинат за изнесените лаги. Апелирам да престанат да кажуваат невистини и да ме поврзуваат со сопственост на имоти кои ниту ги поседувам, ниту сум влијаел некој друг да ги поседува уште од 2015 година.
Денеска Стилоковски обидувајќи се да ја одржи во живот оваа банална приказна ме поврза со нови лица со кои, освен професијата, апсолутно ништо друго не не поврзува. Срамно е преку вакви конструкции без никакви докази за моја поврзаност во врска со наводните имоти кои ги споменува Стоилковски, да се продолжува моето оцрнување и оцрнувањето на семејството на мојата сопруга.
Уште еднаш ги повикувам институциите да ги истражат овие лажни наводи на ВМРО-ДПМНЕ и да докажат дека на ниту еден начин не сум ја злоупотребил функцијата, ниту сум инволвиран во ова за што денеска бев бесправно обвинет“, стои во соопштението на Филипче, кој додава дека е „трагично што во период кога сме посветени на справување со корона вирусот, Стоилковски и ВМРО-ДПМНЕ се обидуваат преку лаги да ја дефокусираат јавноста“.

Би можело да ве интересира

Филипче: Во Буџетот нема пари за зголемување на платите – нема развој, само долгови и камати

(ВИДЕО) Филипче: Македонија на дното, 41 место во Европа – ММФ ги разби бајките на Мицкоски за трета економија

Горан Наумовски

(ВИДЕО) Филипче: Мицкоски лаже дека СДСМ донела одлука за влез на Алта банка

(ВИДЕО) Надзорна расправа: Со одлука на владата на СДСМ во 2023 бил дозволен влез на Алта банка, вели Мицкоски

(ВИДЕО) Филипче: Кој е Мицкоски да продава банки и кој би купил пропадната банка

ВИДЕО: Дуел на Мицкоски и Филипче на пратенички прашања

Катерина Ѓуровски