Коронавирусот го затвори Лувр во Париз

Од:

Поради ширењето на коронавирусот, Лувр во Париз денеска бил затворен, бидејќи чуварите во музејот се плашеле да не бидат заразени од вирусот поради големиот проток на туристи од целиот свет.

Речиси три четвртини од 9,6 милиони посетители во минатата година во Лувр доаѓале од странство. Најпознатиот музеј во светот дневно го посетуваат десетици илјади луѓе.

„Уплашени сме, бидејќи имаме посетители од секој дел на светот. Ризикот е преголем. Засега нема информации дека некој од 2300-те вработени е заразен од вирусот, но сепак, тоа е само прашање на време“, изјавил еден од чуварите за „Блумберг“.

Во кратката изјава од Лувр се велело единствено дека музејот нема да работи во претпладневните часови поради превенција од коронавирусот. Попладнето, почнале да доаѓаат посетители кои чекале со часови, но музејот сепак не бил отворен во текот на целиот ден.

Ваквата одлука следуваше откако француската влада донесе одлука да ги забрани настаните во затворен простор каде што има повеќе од 5 илјади луѓе.

На утрешниот состанок, раководството на Лувр треба да донесе одлука за понатамошната работа на музејот.

Би можело да ве интересира

Франција и Британија и дозволија на Украина да употреби ракети со долг дострел за да ја таргетира Русија

(ВИДЕО) Заврши заложничката криза во Париз: Заложниците ослободени, киднаперот уапсен

Горан Наумовски

Заложничка криза во близина на Париз, маж заробил луѓе во ресторан: Голем број полицајци на улица

Мајка убила три деца затоа што сакала да му се одмазди на својот партнер

Трагедија во Франција: Мајка е осомничена дека избоде три деца до смрт

После изборот на Трамп: Францускиот министер за надворешни работи Жан-Ноел Баро се надева на мир на Блискиот Исток