Во Струмица в недела ќе се прегласува на три избирачки места, така одлучи Управниот суд, кој ги одби тужбите на СДСМ по одлуката на ДИК за поништување на гласањето на три избирачки места во Струмица.
Тоа се трите избирачки места кај старата „Кожара“, во ООУ „Никола Вапцаров“ и во ООУ „Маршал Тито“.
Вкупниот број на гласачи во овие три места е 3.255, од кои на локалните избори во неделата на 24-ти март излегле да гласат 2.553 граѓани.
Од нив, 1.436 граѓани гласале за кандидатот на СДСМ, Зоран Заев, 1.034 за кандидатот на ВМРО-ДПМНЕ, Васил Пишев, 10 за Ристо Божијанов од СДПМ, 6 гласови за Панче Јаков од СДУ, а 67 биле неважечки.
